‘ताई, वहिनी, मावशी, आजी मतदानाला चला’ अभियानाअंतर्गत बारामती येथे महिला मतदार जनजागृती
बारामती दि. २४ : ‘ताई, वहिनी, मावशी, आजी मतदानाला चला’ या विशेष मतदार जनजागृती अभियानाअंतर्गत बारामती विधानसभा मतदारसंघातील महिला मतदारांत मतदान जनजागृती करुन त्यांना येत्या निवडणुकीत मतदान करण्यासाठी प्रोत्साहित करण्यात येत आहे.
स्वीप उपक्रमाअंतर्गत स्वीप समन्वयक सविता खारतोडे आणि त्यांच्या पथकाने येथील महाराष्ट्र औद्योगिक विकास महामंडळ परिसरात मतदान जनजागृती केली. त्याअंतर्गत महामंडळ परिसरातील कॉटन किंग या उद्योग संस्थेतील महिला मतदारांना मतदान प्रक्रियेविषयी माहिती देण्यात आली.
येत्या निवडणुकीत अधिकाधिक संख्येने मतदान करणार आहोत. तसेच परिसरातील पात्र मतदारांना मतदान करण्याबाबत प्रोत्साहित करणार आहोत, असे यावेळी महिला कामगारांनी सांगितले. उपस्थित सर्व महिलांनी मतदान करण्याबाबत प्रतिज्ञा घेतली. यावेळी कॉटन किंग कंपनीचे उपाध्यक्ष खंडू गायकवाड, सुनिल खंडाते आदी उपस्थित होते.
