🗳️ नगरपरिषद आणि नगरपंचायत निवडणुकीसाठी ऑफलाईन नामनिर्देशनपत्रे स्वीकारणार – राज्य निवडणूक आयोग

मुंबई, दि. १५ नोव्हेंबर २०२५ (शनिवार): महाराष्ट्र राज्य निवडणूक आयोगाने नगरपरिषद आणि नगरपंचायत निवडणुकीसाठी इच्छुक उमेदवारांना दिलासा दिला आहे. या निवडणुकीसाठी ऑनलाईन पद्धतीने नामनिर्देशनपत्रे भरण्यासोबतच ऑफलाईन पद्धतीनेही अर्ज स्वीकारले जातील, असे आयोगाने स्पष्ट केले आहे.
विशेष सूचना:
♦ रविवार, १६ नोव्हेंबर २०२५ रोजी सुट्टीच्या दिवशी देखील नामनिर्देशनपत्रे स्वीकारली जाणार आहेत.
♦ उमेदवार सकाळी ११ ते दुपारी ३ वाजेपर्यंत ऑफलाईन अर्ज दाखल करू शकतील.
♦ अर्ज स्वीकारण्याचे आदेश सर्व निवडणूक निर्णय अधिकाऱ्यांनी देण्यात आले आहेत.
♦ नामनिर्देशनपत्र आणि शपथपत्र दाखल करण्याची अंतिम मुदत १७ नोव्हेंबर २०२५ रोजी दुपारी ३ वाजेपर्यंत आहे.
♦ इच्छुक उमेदवारांनी रविवारी (१६ नोव्हेंबर) अर्ज दाखल केल्यास शेवटच्या दिवशी होणारी गर्दी टाळता येईल, असे आवाहन राज्य निवडणूक आयोगाने केले आहे.