बारामती, दि. 30 : बारामती तालुका पोलीस ठाण्याच्या हद्दीतील कटफळ परिसरात सुरू असलेल्या अवैध दारूविक्रीच्या धंद्यांवर पोलिसांनी धडक कारवाई करत तिघांविरुद्ध महाराष्ट्र दारूबंदी अधिनियमांतर्गत गुन्हे दाखल केले आहेत. या कारवाईत देशी दारूच्या बाटल्यांसह रोख रक्कम जप्त करण्यात आली.

गुप्त बातमीदारामार्फत मिळालेल्या माहितीनुसार, 29 जून 2026 रोजी दुपारी सुमारे 3 वाजण्याच्या सुमारास बारामती तालुका पोलिसांनी कटफळ परिसरात विविध ठिकाणी छापे टाकले.

पहिल्या कारवाईत कटफळ रेल्वे लाईनजवळ अवैध दारूविक्री करत असलेल्या हर्षद गणेश निकाळजे (रा. कनेरी, ता. बारामती) याच्याकडून 2 हजार 800 रुपये किमतीच्या देशी दारूच्या 70 बाटल्या तसेच 1 हजार 520 रुपये रोख रक्कम असा एकूण 4 हजार 320 रुपयांचा मुद्देमाल जप्त करण्यात आला. याप्रकरणी बारामती तालुका पोलीस ठाण्यात गुन्हा रजिस्टर क्रमांक 311/2026 नुसार महाराष्ट्र दारूबंदी अधिनियम कलम 65(E) अंतर्गत गुन्हा दाखल करण्यात आला आहे.

दुसऱ्या कारवाईत सौ. दिव्या गणेश मदने (रा. कटफळ, ता. बारामती) या एमआयडीसी आयर्न बॉयलर कंपनीजवळ अवैध दारूविक्री करताना आढळून आल्या. त्यांच्या ताब्यातून 2 हजार 400 रुपये किमतीच्या देशी दारूच्या 60 बाटल्या जप्त करण्यात आल्या. याप्रकरणी गुन्हा रजिस्टर क्रमांक 312/2026 नुसार कारवाई करण्यात आली.

तिसऱ्या कारवाईत मुकुंद चंदर मदने (रा. कटफळ, ता. बारामती) याच्याकडे कटफळ गाव हद्दीतील समर्थ हॉटेलजवळ छापा टाकण्यात आला. त्याच्याकडून 960 रुपये किमतीच्या देशी दारूच्या 24 बाटल्या जप्त करण्यात आल्या. याप्रकरणी गुन्हा रजिस्टर क्रमांक 313/2026 नुसार महाराष्ट्र दारूबंदी अधिनियम कलम 65(E) अंतर्गत गुन्हा दाखल करण्यात आला आहे.

ही कारवाई पुणे ग्रामीणचे पोलीस अधीक्षक , अपर पोलीस अधीक्षक , उपविभागीय पोलीस अधिकारी आणि पोलीस निरीक्षक यांच्या मार्गदर्शनाखाली करण्यात आली. ग्रेड पोलीस उपनिरीक्षक कल्याण शिंगाडे व त्यांच्या पथकाने ही यशस्वी कारवाई केली.

पोलिसांनी अवैध दारूविक्रीविरोधातील मोहिम अधिक तीव्र करण्याचा इशारा दिला असून, नागरिकांनी अशा प्रकारची माहिती पोलिसांना देण्याचे आवाहन केले आहे.

The post कटफळ परिसरात अवैध दारूविक्रीवर पोलिसांचा धडक कारवाईचा बडगा; तिघांविरुद्ध गुन्हे दाखल appeared first on Baramati Sanchar.

सभागृहात बोलताना बल्लाळ यांनी सांगितले की, अजितदादा पवार यांच्याविरोधात यापूर्वी वादग्रस्त वक्तव्य करण्यात आले होते. त्या वेळी त्यांच्या सन्मानासाठी आणि समर्थनार्थ फार कमी लोक पुढे आले होते. त्या प्रसंगी केवळ नगरसेवक अमर धुमाळ आणि विशाल हिंगणे यांनी ठाम भूमिका घेतली होती. मात्र आता स्मारकाच्या विषयावर अनेक जण पुढाकार घेत असल्याचे दिसत असल्याचे त्यांनी नमूद केले.

यावेळी त्यांनी विरोधी पक्षातील नगरसेविका आरती शेडगे तसेच काही सत्ताधारी नगरसेवक, नेते आणि गटनेत्यांवरही टीका केली. “जेव्हा अजितदादांबाबत वादग्रस्त वक्तव्य झाले होते, तेव्हा तुम्ही गप्प का बसला होतात? त्यांचा सन्मान राखण्यासाठी त्या वेळी आवाज का उठवला नाही?” असा सवाल त्यांनी उपस्थित केला.

स्मारक उभारणीसाठी सूचक होण्याची स्पर्धा सुरू असल्याचा उल्लेख करत बल्लाळ यांनी काही जण केवळ राजकीय प्रसिद्धीसाठी पुढाकार घेत असल्याचा आरोप केला. अजितदादांप्रती खरी निष्ठा कृतीतून दिसली पाहिजे, केवळ भाषणातून नव्हे, असेही त्यांनी स्पष्ट केले.

बल्लाळ यांच्या वक्तव्यानंतर सभागृहातील वातावरण काही काळ तापले. स्मारकाच्या विषयावर सुरू झालेली चर्चा नंतर राजकीय भूमिका, निष्ठा आणि नेतृत्वाच्या प्रश्नांवर केंद्रित झाल्याचे चित्र पाहायला मिळाले. या वक्तव्यामुळे सत्ताधारी आणि विरोधी पक्षांमध्येही चर्चेला उधाण आले असून, बारामतीच्या राजकीय वर्तुळात या विषयाची जोरदार चर्चा सुरू आहे.

The post अजितदादांच्या स्मारकावरून नगरपरिषदेत राजकारण तापलं; नवनाथ बल्लाळ यांचा नगरसेवकांना सवाल appeared first on Baramati Sanchar.

यासंदर्भात नगराध्यक्ष सचिन सातव यांना निवेदन देण्यात आले असून त्यावर नगरसेवक गणेश जोजारे, राहुल वाघोलीकर, सोमनाथ गजाकस आणि अमोल कावळे यांच्या स्वाक्षऱ्या आहेत.

निवेदनात नमूद करण्यात आले आहे की, अजितदादा पवार यांनी गेल्या ३५ वर्षांहून अधिक काळ बारामती आणि महाराष्ट्राच्या सर्वांगीण विकासासाठी भरीव योगदान दिले आहे. उपमुख्यमंत्री आणि अर्थमंत्री म्हणून काम करताना राज्याची अर्थव्यवस्था मजबूत करण्यात त्यांनी महत्त्वाची भूमिका बजावली. तसेच कृषी, सहकार, जलसंपदा आणि जनसेवा या क्षेत्रांत त्यांनी केलेले कार्य उल्लेखनीय असल्याचे निवेदनात म्हटले आहे.

बारामती पॅटर्नच्या माध्यमातून शेतकरी, दूध संघ, सहकारी साखर कारखाने आणि विविध सहकारी संस्थांना बळकटी देण्याचे काम त्यांनी केले. जलसंपदा मंत्री म्हणून अनेक सिंचन प्रकल्पांना गती देऊन लाखो एकर जमीन ओलिताखाली आणण्यात त्यांचा मोलाचा वाटा राहिल्याचा उल्लेख करण्यात आला आहे.

लोकप्रशासन, समाजसेवा आणि राज्याच्या विकासासाठी दिलेल्या योगदानाच्या आधारे अजितदादा पवार हे ‘महाराष्ट्र भूषण’ पुरस्कारासाठी पात्र असल्याचे मत नगरसेवकांनी व्यक्त केले असून, नगर परिषदेकडून शासनाकडे अधिकृत प्रस्ताव पाठविण्याची मागणी केली आहे.

The post अजितदादा पवार यांना ‘महाराष्ट्र भूषण’ पुरस्कार देण्याची बारामती नगर परिषदेतील नगरसेवकांची मागणी appeared first on Baramati Sanchar.

बारामती, दि. २३ : बारामती नगरपरिषद मालकीच्या भारतरत्न डॉ. बाबासाहेब आंबेडकर स्टेडियमच्या देखभाल-दुरुस्ती व क्रिकेट अकादमी संचालनासाठी देण्यात आलेला ठेका रद्द करण्याचा निर्णय आज झालेल्या नगरपरिषदेच्या सर्वसाधारण सभेत सर्वानुमते घेण्यात आला.

नगरपरिषदेने स्टेडियमची देखभाल, दुरुस्ती व क्रिकेट अकादमी चालविण्यासाठी फेब्रुवारी २०२५ मध्ये D.A. Satav Karbhari Anna Charitable Foundation, Baramati या संस्थेला ठेका दिला होता. मात्र करारातील अटी-शर्तींचे पालन न करणे, स्टेडियमच्या स्वच्छता व सुरक्षिततेकडे दुर्लक्ष, नागरिकांकडून वारंवार प्राप्त झालेल्या तक्रारी तसेच निविदा दस्तऐवजातील तरतुदींची पूर्तता न करणे आदी बाबींची नोंद नगरपरिषद प्रशासनाने घेतली होती.

स्थळपाहणीदरम्यान स्टेडियम परिसरातील ड्रेनेज व्यवस्था, स्वच्छतागृहे, प्रेक्षक गॅलऱ्या, सुरक्षा जाळ्या, मैदानाची देखभाल तसेच सुरक्षा रक्षकांची अनुपस्थिती यांसारख्या अनेक त्रुटी आढळून आल्या होत्या. याबाबत संबंधित संस्थेला वारंवार नोटिसा देण्यात आल्या होत्या. मात्र समाधानकारक खुलासा अथवा आवश्यक सुधारणा करण्यात आल्या नसल्याचे प्रशासनाच्या निदर्शनास आले.

याशिवाय नगरपरिषदेची पूर्वपरवानगी न घेता स्टेडियमच्या नावात बदल करणे, शुल्कवाढ करणे तसेच विविध सुविधांबाबत तक्रारी प्राप्त झाल्याने प्रशासनाने संबंधित संस्थेविरुद्ध कठोर भूमिका घेतली होती. अखेरीस सर्व बाबींचा विचार करून आजच्या सर्वसाधारण सभेत संबंधित संस्थेचा ठेका रद्द करण्याचा निर्णय सर्वानुमते मंजूर करण्यात आला.

ठेका रद्द झाल्यानंतर पुढील निविदा प्रक्रिया पूर्ण होईपर्यंत स्टेडियमची दैनंदिन देखभाल, स्वच्छता व आवश्यक दुरुस्तीची व्यवस्था नगरपरिषदेमार्फत करण्याबाबतही सभेत चर्चा करण्यात आली. तसेच नवीन निविदा प्रक्रिया नियमबद्ध पद्धतीने राबविण्याचा मार्ग मोकळा झाला आहे.

स्टेडियम हे शहरातील खेळाडू आणि क्रीडाप्रेमींसाठी महत्त्वाचे केंद्र असल्याने त्याची दर्जेदार देखभाल व सुविधांचा विकास करण्यासाठी नगरपरिषद कटिबद्ध असल्याचे सभेत स्पष्ट करण्यात आले.

The post भारतरत्न डॉ. बाबासाहेब आंबेडकर स्टेडियमच्या देखभाल-दुरुस्तीचा ठेका रद्द; बारामती नगरपरिषदेच्या सभेत सर्वानुमते निर्णय appeared first on Baramati Sanchar.

बारामती, दि. २३ : बारामती नगरपरिषद मालकीच्या भारतरत्न डॉ. बाबासाहेब आंबेडकर स्टेडियमच्या देखभाल-दुरुस्ती व क्रिकेट अकादमी संचालनासाठी देण्यात आलेला ठेका रद्द करण्याचा निर्णय आज झालेल्या नगरपरिषदेच्या सर्वसाधारण सभेत सर्वानुमते घेण्यात आला.

नगरपरिषदेने स्टेडियमची देखभाल, दुरुस्ती व क्रिकेट अकादमी चालविण्यासाठी फेब्रुवारी २०२५ मध्ये D.A. Satav Karbhari Anna Charitable Foundation, Baramati या संस्थेला ठेका दिला होता. मात्र करारातील अटी-शर्तींचे पालन न करणे, स्टेडियमच्या स्वच्छता व सुरक्षिततेकडे दुर्लक्ष, नागरिकांकडून वारंवार प्राप्त झालेल्या तक्रारी तसेच निविदा दस्तऐवजातील तरतुदींची पूर्तता न करणे आदी बाबींची नोंद नगरपरिषद प्रशासनाने घेतली होती.

स्थळपाहणीदरम्यान स्टेडियम परिसरातील ड्रेनेज व्यवस्था, स्वच्छतागृहे, प्रेक्षक गॅलऱ्या, सुरक्षा जाळ्या, मैदानाची देखभाल तसेच सुरक्षा रक्षकांची अनुपस्थिती यांसारख्या अनेक त्रुटी आढळून आल्या होत्या. याबाबत संबंधित संस्थेला वारंवार नोटिसा देण्यात आल्या होत्या. मात्र समाधानकारक खुलासा अथवा आवश्यक सुधारणा करण्यात आल्या नसल्याचे प्रशासनाच्या निदर्शनास आले.

याशिवाय नगरपरिषदेची पूर्वपरवानगी न घेता स्टेडियमच्या नावात बदल करणे, शुल्कवाढ करणे तसेच विविध सुविधांबाबत तक्रारी प्राप्त झाल्याने प्रशासनाने संबंधित संस्थेविरुद्ध कठोर भूमिका घेतली होती. अखेरीस सर्व बाबींचा विचार करून आजच्या सर्वसाधारण सभेत संबंधित संस्थेचा ठेका रद्द करण्याचा निर्णय सर्वानुमते मंजूर करण्यात आला.

ठेका रद्द झाल्यानंतर पुढील निविदा प्रक्रिया पूर्ण होईपर्यंत स्टेडियमची दैनंदिन देखभाल, स्वच्छता व आवश्यक दुरुस्तीची व्यवस्था नगरपरिषदेमार्फत करण्याबाबतही सभेत चर्चा करण्यात आली. तसेच नवीन निविदा प्रक्रिया नियमबद्ध पद्धतीने राबविण्याचा मार्ग मोकळा झाला आहे.

स्टेडियम हे शहरातील खेळाडू आणि क्रीडाप्रेमींसाठी महत्त्वाचे केंद्र असल्याने त्याची दर्जेदार देखभाल व सुविधांचा विकास करण्यासाठी नगरपरिषद कटिबद्ध असल्याचे सभेत स्पष्ट करण्यात आले.

The post भारतरत्न डॉ. बाबासाहेब आंबेडकर स्टेडियमच्या देखभाल-दुरुस्तीचा ठेका रद्द; बारामती नगरपरिषदेच्या सभेत सर्वानुमते निर्णय appeared first on Baramati Sanchar.

बारामती, दि. 18 : राज्य अन्न आयोगाचे अध्यक्ष यांच्या हस्ते बारामती तहसील कार्यालयात आयोजित कार्यक्रमात अंत्योदय व प्राधान्य कुटुंब योजनेतील 35 पात्र व गरजू लाभार्थ्यांना शिधापत्रिकांचे वितरण करण्यात आले.

यावेळी बोलताना श्री. ढवळे यांनी प्रत्येक नागरिकाला सन्मानाने जगण्याचा अधिकार मिळाला पाहिजे, या उद्देशाने राज्य अन्न आयोग कार्यरत असल्याचे सांगितले. गरजू नागरिकांना सकस, स्वच्छ आणि दर्जेदार अन्न मिळावे, तसेच राज्यातील एकही नागरिक उपाशी राहू नये, यासाठी शासन कटिबद्ध असल्याचे त्यांनी नमूद केले.

पुरवठा विषयक कामकाजाच्या आढावा बैठकीनंतर झालेल्या या कार्यक्रमास राज्य अन्न आयोगाचे सदस्य , तहसीलदार , पुरवठा निरीक्षण अधिकारी , पुरवठा निरीक्षक , गोदाम व्यवस्थापक यांच्यासह संबंधित अधिकारी, कर्मचारी व शिधापत्रिकाधारक उपस्थित होते.

कार्यक्रमात अंत्योदय योजनेअंतर्गत दिव्यांग, परित्यक्ता व दुर्धर आजारग्रस्त 15 लाभार्थ्यांना, तर प्राधान्य कुटुंब योजनेअंतर्गत दारिद्र्यरेषेखालील कुटुंबे, भूमिहीन शेतमजूर, ऊसतोड कामगार तसेच आर्थिकदृष्ट्या दुर्बल अशा 20 लाभार्थ्यांना शिधापत्रिकांचे वाटप करण्यात आले.

आढावा बैठकीत श्री. ढवळे यांनी शिधापत्रिकांसंबंधित प्रलंबित प्रकरणे तातडीने निकाली काढण्याचे निर्देश दिले. तसेच भिक्षेकऱ्यांच्या पुनर्वसनासाठी समुपदेशन व निवारा व्यवस्थेवर भर देण्याची गरज व्यक्त केली. बालभिक्षेकऱ्यांसाठी विशेष उपाययोजना राबविणे, भीक मागण्यास प्रवृत्त करणाऱ्यांवर कारवाई करणे आणि गरजू नागरिकांना शासनाच्या योजनांचा लाभ मिळवून देणे हे राज्य अन्न आयोगाचे प्रमुख उद्दिष्ट असल्याचे त्यांनी स्पष्ट केले.

बैठकीदरम्यान बारामती तालुक्यातील पुरवठा विभागाच्या कामकाजाचा आढावा घेण्यात आला. यावेळी तहसीलदार श्री. रावडे यांनी विविध योजनांच्या अंमलबजावणीबाबत सविस्तर माहिती सादर केली.

The post राज्य अन्न आयोगाच्या अध्यक्षांच्या हस्ते 35 लाभार्थ्यांना शिधापत्रिकांचे वितरण appeared first on Baramati Sanchar.

बारामती, दि. 18 : बारामती तालुका पोलीस ठाण्यात दाखल असलेल्या मोका गुन्ह्यातील चार वर्षांपासून फरार असलेल्या आरोपीस बारामती तालुका पोलिसांनी अटक केली आहे.

बारामती तालुका पोलीस ठाणे गुन्हा रजिस्टर क्रमांक 563/2022 मध्ये भारतीय दंड विधान कलम 307, 120(ब), 201, 143 तसेच आर्म्स अॅक्ट कलम 2 व 25 अन्वये दाखल गुन्ह्यातील आरोपी सोनू उर्फ ओंकार संजय जाधव (रा. कळंब, ता. इंदापूर, जि. पुणे) हा गुन्हा घडल्यानंतर फरार होता.

गोपनीय बातमीदारामार्फत संबंधित आरोपी बारामती तालुका पोलीस ठाण्याच्या हद्दीतील एमआयडीसी परिसरात येणार असल्याची माहिती पोलिसांना मिळाली. त्यानुसार पोलिसांनी एमआयडीसी परिसरात सापळा रचून शोधमोहीम राबविली. यावेळी सोनू उर्फ ओंकार संजय जाधव हा पोलिसांच्या ताब्यात मिळून आल्याने त्याला अटक करण्यात आली.

ही कारवाई पुणे ग्रामीणचे पोलीस अधीक्षक संदीप गिल, अपर पोलीस अधीक्षक बारामती गणेश बिरादार, उपविभागीय पोलीस अधिकारी बारामती सुदर्शन राठोड आणि बारामती तालुका पोलीस ठाण्याचे पोलीस निरीक्षक नारायण पवार यांच्या मार्गदर्शनाखाली करण्यात आली.

या पथकात ग्रेड पोलीस उपनिरीक्षक कल्याण शिंगाडे, सहाय्यक फौजदार सुरेंद्र वाघ, पोलीस हवालदार खारतोडे, एकसिंगे, आप्पा दराडे, पोलीस शिपाई निलेश वाकळे आणि मनोज पवार यांनी सहभाग घेत ही उल्लेखनीय कामगिरी पार पाडली.

बारामती संचार | लोकहिताचा विचार

The post चार वर्षांपासून फरार असलेला मोका गुन्ह्यातील आरोपी बारामतीत जेरबंद appeared first on Baramati Sanchar.

The post बारामतीत परवान्याशिवाय फटाक्यांची वाहतूक; 7.79 लाखांचा मुद्देमाल जप्त appeared first on Baramati Sanchar.

घरच्या घरी साध्या पद्धतीने १०० बियाणे ओल्या कापडात किंवा कागदात ठेवून सावलीत ठेवावीत. आवश्यकतेनुसार ओलावा कायम राखावा. पिकानुसार ५ ते १० दिवसांनंतर उगवलेल्या बियाण्यांची संख्या मोजून उगवण टक्केवारी निश्चित करता येते. उदाहरणार्थ, १०० पैकी ७५ बियाणे उगवली असल्यास उगवण क्षमता ७५ टक्के समजावी.

उगवण क्षमता शिफारशीनुसार असल्यासच ती बियाणे पेरणीसाठी वापरावीत. उगवण क्षमता कमी असल्यास बियाण्यांचे प्रमाण वाढविणे किंवा प्रमाणित बियाणे अधिकृत विक्रेत्याकडून खरेदी करणे आवश्यक आहे. खरेदी केलेल्या बियाण्यांचे पक्के बिल जतन करून ठेवण्याचेही आवाहन करण्यात आले आहे. पेरणीपूर्वी उगवण क्षमता तपासून दर्जेदार बियाण्यांचा वापर केल्यास अपेक्षित रोपसंख्या मिळून उत्पादनवाढीस मदत होणार असल्याचे श्री. हाके यांनी कळविले आहे.

The post पेरणीपूर्वी बियाण्यांची उगवण क्षमता तपासण्याचे तालुका कृषी अधिकाऱ्याचे आवाहन appeared first on Baramati Sanchar.

विधानभवन येथील झुंबर सभागृह येथे जिल्हा क्रीडा संकुल समितीच्या आढावा आयोजित बैठकीत त्या बोलत होत्या. यावेळी जिल्हा परिषदेचे अध्यक्ष वीरधवल जगदाळे, आमदार शंकर मांडेकर, जिल्हाधिकारी जितेंद्र डुडी, जिल्हा परिषदेचे मुख्य कार्यकारी अधिकारी गजानन पाटील, क्रीडा उपसंचालक युवराज नाईक, जिल्हा क्रीडा अधिकारी जगन्नाथ लकडे, सार्वजनिक बांधकाम विभागाचे कार्यकारी अभियंता अमोल पवार, तालुका क्रीडा अधिकारी महेश चावले, क्रीडा संकुल समितीचे सदस्य आदी उपस्थित होते.

श्रीमती पवार म्हणाल्या, कै भाई नेरुरकर चषक खो-खो स्पर्धेचे बारामती येथे आयोजन करण्याबाबत प्रास्तावित करण्यात आले असून येत्याकाळात पर्जन्यमान, राष्ट्रीय व आंतरराष्ट्रीय स्पर्धा तसेच पालखी सोहळ्याचा विचार करुन स्पर्धा आयोजनाबाबत तारीख निश्चित करावी.

जिल्हा क्रीडा संकुल समितीच्या बैठकीत जिल्हा क्रीडा संकुल पुणे (बारामती) देखभाल दुरुस्तीबाबत आराखडा तयार करुन सादर करावा. बैठकीत क्रीडा विषयाच्या अनुषंगाने विविध बाबींवर चर्चा करण्यात आली, सकारात्मक चर्चा करुन निर्णय घेण्यात येईल. जिल्हा क्रीडा संकुलामध्ये खेळाडूंना अधिकाधिक सुविधा उपलब्ध करुन द्याव्यात. प्रतिभावंत खेळाडू घडविण्यावर क्रीडा विभागाने भर द्यावा, असेही श्रीमती पवार म्हणाल्या.

या बैठकीत श्री. लकडे यांनी क्रीडा संकुल देखभाल दुरुस्ती, नवीन क्रीडा साहित्य खरेदी, सार्वजनिक बांधकाम विभागाला लागणारा निधी वर्ग करणे आदी विषयांवर माहिती आली.

यावेळी श्रीमती पवार यांच्या हस्ते हिंद केसरी महेंद्र गायकवाड, जागतिक योगासन स्पर्धेत सुवर्णपदक विजेता नितीन पवळे, गोकर्ण शर्मा तसेच जागतिक ट्रेडीशनल ग्रुप व हँडसेट खेळात सुवर्णपदक विजेता निरल वाडेकर यांचा सत्कार करण्यात आला.

The post कटफळ येथे आंतरराष्ट्रीय दर्जाच्या क्रीडा सुविधा विकसित करा -उपमुख्यमंत्री सुनेत्रा अजित पवार appeared first on Baramati Sanchar.