बारामती, दि. 18 : बारामती तालुका पोलीस ठाण्यात दाखल असलेल्या मोका गुन्ह्यातील चार वर्षांपासून फरार असलेल्या आरोपीस बारामती तालुका पोलिसांनी अटक केली आहे.

बारामती तालुका पोलीस ठाणे गुन्हा रजिस्टर क्रमांक 563/2022 मध्ये भारतीय दंड विधान कलम 307, 120(ब), 201, 143 तसेच आर्म्स अॅक्ट कलम 2 व 25 अन्वये दाखल गुन्ह्यातील आरोपी सोनू उर्फ ओंकार संजय जाधव (रा. कळंब, ता. इंदापूर, जि. पुणे) हा गुन्हा घडल्यानंतर फरार होता.

गोपनीय बातमीदारामार्फत संबंधित आरोपी बारामती तालुका पोलीस ठाण्याच्या हद्दीतील एमआयडीसी परिसरात येणार असल्याची माहिती पोलिसांना मिळाली. त्यानुसार पोलिसांनी एमआयडीसी परिसरात सापळा रचून शोधमोहीम राबविली. यावेळी सोनू उर्फ ओंकार संजय जाधव हा पोलिसांच्या ताब्यात मिळून आल्याने त्याला अटक करण्यात आली.

ही कारवाई पुणे ग्रामीणचे पोलीस अधीक्षक संदीप गिल, अपर पोलीस अधीक्षक बारामती गणेश बिरादार, उपविभागीय पोलीस अधिकारी बारामती सुदर्शन राठोड आणि बारामती तालुका पोलीस ठाण्याचे पोलीस निरीक्षक नारायण पवार यांच्या मार्गदर्शनाखाली करण्यात आली.

या पथकात ग्रेड पोलीस उपनिरीक्षक कल्याण शिंगाडे, सहाय्यक फौजदार सुरेंद्र वाघ, पोलीस हवालदार खारतोडे, एकसिंगे, आप्पा दराडे, पोलीस शिपाई निलेश वाकळे आणि मनोज पवार यांनी सहभाग घेत ही उल्लेखनीय कामगिरी पार पाडली.

बारामती संचार | लोकहिताचा विचार

The post चार वर्षांपासून फरार असलेला मोका गुन्ह्यातील आरोपी बारामतीत जेरबंद appeared first on Baramati Sanchar.

दिनांक 27 जानेवारी 2026 रोजी बारामती शहर पोलीस स्टेशन हद्दीत बोके हॉस्पिटलजवळील नवीन रिंग रोड परिसरात एक इसम गांजा विक्रीसाठी येणार असल्याची अचूक व विश्वासार्ह गोपनीय माहिती पोलीस उपनिरीक्षक श्री. रत्नदिप भंडारे यांना प्राप्त झाली.
सदर माहिती तात्काळ वरिष्ठ अधिकाऱ्यांना कळविण्यात आली. मा. श्री. संदीप सिंह गिल (पोलीस अधीक्षक, पुणे ग्रामीण), मा. श्री. गणेश बिरादार (अपर पोलीस अधीक्षक, बारामती), मा. श्री. सुदर्शन राठोड (उपविभागीय पोलीस अधिकारी, बारामती विभाग) व श्री. श्रीशैल चिवडशेट्टी (पोलीस निरीक्षक, बारामती शहर) यांच्या मार्गदर्शनाखाली ही कारवाई करण्यात आली.

वरिष्ठ अधिकाऱ्यांच्या स्पष्ट आदेशानुसार पोलीस उपनिरीक्षक श्री. रत्नदिप भंडारे यांच्या नेतृत्वाखाली विशेष पथक तयार करण्यात आले.

सदर कारवाईत सहभागी पोलीस अधिकारी व कर्मचारी पो.हवा. सुलतान डांगे, पो.हवा. रामचंद्र शिंदे, पो.कॉ. वैभव मदने, पो.कॉ. राहुल बडे, पो.कॉ. गिरीश नेवसे, पो.कॉ. सागर जामदार, पो.कॉ. अक्षय सीताप, पोलीस पथकाने पंच, वजनकाटा धारक व फोटोग्राफर यांना सोबत घेऊन अत्यंत गोपनीयतेने सापळा रचला. रात्री सुमारे 23.05 वाजता संशयित इसम मोटारसायकलवर येताना दिसताच पोलिसांनी तत्काळ हालचाल करून त्यास पळून जाण्याची संधी न देता रिंग रोडवरच रंगेहाथ पकडले. चौकशीअंती आरोपीचे नाव फरहान युसुफ शेख, वय 23 वर्षे, रा. खेड, ता. कर्जत, जि. अहिल्यानगर असे निष्पन्न झाले.

त्याच्याकडून 1 किलो 989 ग्रॅम वजनाचा गांजा, अंदाजे किंमत रुपये 39,780/- Hero Splendor मोटारसायकल (MH16/DD/6374), अंदाजे किंमत रुपये 50,000/- असा मुद्देमाल NDPS Act मधील सर्व कायदेशीर तरतुदींचे काटेकोर पालन करून पंचांसमक्ष जप्त करण्यात आला आहे.
या प्रकरणी आरोपीविरुद्ध NDPS Act कलम 20(b)(ii)(B), 8(c) अन्वये गुन्हा दाखल करण्यात आला असून पुढील तपास बारामती शहर पोलीस स्टेशनमार्फत सुरू आहे.

बारामती शहर पोलीस स्टेशनकडून नागरिकांना आवाहन करण्यात येते की, अंमली पदार्थ विक्री, साठवणूक किंवा वाहतूक याबाबत कोणतीही माहिती मिळाल्यास तात्काळ पोलिसांशी संपर्क साधावा. माहिती देणाऱ्याची ओळख पूर्णपणे गोपनीय ठेवण्यात येईल.

तरुण पिढीचे भविष्य सुरक्षित ठेवण्यासाठी पोलीस व नागरिक यांचे सहकार्य अत्यावश्यक आहे. बारामती शहर पोलीस स्टेशन अंमली पदार्थांवर झिरो टॉलरन्स धोरण अवलंबत असून, अशा कठोर कारवाया पुढेही सातत्याने सुरू राहतील, असे पोलीस प्रशासनाने स्पष्ट केले आहे.

The post बारामती शहर पोलिसांची धडाकेबाज कारवाई; रिंग रोडवर गांजा विक्री करणारा आरोपी रंगेहाथ जेरबंद – १.९८९ किलो गांजा व मोटारसायकल जप्त. appeared first on Baramati Sanchar.

The post पार्किंगच्या वादातून तरुणावर जीवघेणा हल्ला करणाऱ्या टोळक्याचा मुख्य सूत्रधार तन्मेष साळुंखे गजाआड; बारामती तालुका पोलिसांची कारवाई appeared first on Baramati Sanchar.

The post बारामती तालुका पोलिसांची धडक कारवाई: जगदंबा हॉटेल घरफोडीतील चार आरोपी जेरबंद! चोरीचे ७ मोबाईल आणि रोख रक्कम हस्तगत; आरोपींना ४ दिवसांची पोलीस कोठडी! appeared first on Baramati Sanchar.

बारामती: तब्बल ५० लाख रुपयांच्या ‘एम.डी. ड्रग्स’ प्रकरणात फरार असलेल्या एका आरोपीला बारामती तालुका पोलिसांनी मोठ्या शिताफीने अटक केली आहे. हा आरोपी बारामती परिसरात लपून बसला असल्याची माहिती मिळाल्यानंतर बारामती पोलिसांनी ही यशस्वी कारवाई केली आहे.
पोलिस निरीक्षक चंद्रशेखर यादव यांनी दिलेल्या माहितीनुसार, मीरा-भाईंदर वसई-विरार आयुक्तालयाच्या हद्दीतील तुळींज पोलीस ठाण्यात (नालासोपारा ईस्ट) दि. १४ सप्टेंबर रोजी एनडीपीएस कायदा १९८५ सह अन्य कलमांतर्गत गुन्हा दाखल करण्यात आला होता. या गुन्ह्यात शहबाज हमीद शेख, योगेश राजू राठोड, जफर आसिफ शेख, बाबू शेख आणि समीर शेख यांच्यावर कारवाई सुरू होती. यातील समीर उर्फ नूर मोहम्मद अस्लम शेख (वय २०, रा. वसई) हा आरोपी तेव्हापासून फरार होता.
समीर उर्फ नूर मोहम्मद अस्लम शेख हा बारामती परिसरात लपून बसल्याची माहिती वसई-विरार पोलीस आयुक्तालयातील पोलिसांनी बारामती तालुका पोलिसांना दिली. या माहितीच्या आधारे, बारामती तालुका पोलिसांनी पथक तयार करून शोधमोहीम सुरू केली. आरोपी बारामती शहरात वास्तव्यास असून ‘ब्रँड रिव्हर’ नावाच्या कपड्याच्या दुकानात कामाला असल्याची खात्रीशीर माहिती पोलिसांना मिळाली.
त्यानुसार, बारामती तालुका पोलिसांच्या पथकाने अत्यंत हुशारीने नियोजन करून त्या दुकानावर लक्ष ठेवले आणि आरोपीची ओळख पटवताच क्षणाचाही विलंब न करता त्याला ताब्यात घेतले. बारामती पोलिस ठाण्यात चौकशी केली असता, त्याने तुळींज पोलीस ठाण्यातील गुन्ह्यातील फरार आरोपी असल्याची कबुली दिली.
या यशस्वी कारवाईनंतर बारामती तालुका पोलिसांनी तात्काळ मीरा-भाईंदर वसई विरार आयुक्तालयास माहिती दिली. पुढील तपासासाठी आरोपीस तुळींज पोलिस स्टेशनचे पोलीस उपनिरीक्षक राख, पोलीस हवालदार कांबळे आणि पोलीस कॉन्स्टेबल सोनवणे यांच्या ताब्यात सुपूर्द करण्यात आले आहे.
ही महत्वपूर्ण कारवाई पुणे ग्रामीणचे पोलीस अधीक्षक संदीपसिंह गिल, अप्पर पोलीस अधीक्षक गणेश बिराजदार आणि उपविभागीय पोलीस अधिकारी सुदर्शन राठोड यांच्या मार्गदर्शनाखाली पोलीस निरीक्षक चंद्रशेखर यादव, स.पो.नि. विक्रम पवार, सहाय्यक फौजदार सुरेंद्र वाघ, सुरेश बडे, आणि पोलीस अंमलदार निलेश वाकळे, राहुल लांडगे यांच्या पथकाने पार पाडली.

The post मुंबईतील ५० लाखांच्या ड्रग्स प्रकरणातील फरार आरोपीला बारामती तालुका पोलिसांकडून अटक appeared first on Baramati Sanchar.

The post सोशल मीडियावर ‘ठोकतो, तोडतो’ धमकी देणाऱ्या तरुणावर गुन्हा दाखल; बारामती पोलिसांची कठोर कारवाई appeared first on Baramati Sanchar.

बारामती दि. १६ बारामती येथील तांबेनगर परिसरातील सम्राट वाईन शॉपीबाहेर एका टॅक्स कन्सल्टंटला मोटारसायकलवर बसवून लांब नेऊन लुटणाऱ्या टोळीचा पर्दाफाश बारामती तालुका पोलिस आणि स्थानिक गुन्हे शाखा (पुणे ग्रामीण) यांच्या संयुक्त पथकाने केला आहे. या प्रकरणात एक आरोपी अटकेत असून एक विधी संघर्षित बालक आहे.

दि. ११ ऑक्टोबर रोजी सायंकाळी साडेचार वाजता फिर्यादी संपत भाऊसो थोरात (वय ३८, रा. शिवशंभोनगर, जळोची, ता. बारामती) हे तांबेनगर येथील सम्राट वाईन शॉपीबाहेर बसले असताना तीन अनोळखी इसमांनी त्यांना मोटारसायकलवर बसवले. त्यानंतर त्यांनी फिर्यादीस शेळकेवस्ती, तांदुळवाडी परिसरात नेऊन मारहाण करत मोबाईल, रोख २० हजार रुपये आणि पाकीट जबरदस्तीने हिसकावून घेतले. या प्रकरणी बारामती तालुका पोलिस ठाण्यात बी.एन.एस. कलम ३०९(४), ३(५) प्रमाणे गुन्हा दाखल करण्यात आला होता. आरोपींचा शोध घेण्यासाठी पोलिसांनी तपास मोहीम सुरू केली. गोपनीय माहितीच्या आधारे पथकाने आरोपींची नावे निष्पन्न केली असता गुड्ड्या बगाडे (रा. माळेगाव, ता. बारामती), गणेश गोपीनाथ खरात (अटक) (वय १९, रा. सुहासनगर, आमराई, बारामती) आणि विधीसंघर्षित बालक (वय १७, रा. सुहासनगर, आमराई, बारामती) अशी नावे समोर आली. त्यापैकी आरोपी गणेश खरात याला अटक करण्यात आली असून काही रोख रक्कम जप्त करण्यात आली आहे. अटक आरोपीस 03 दिवसांची पोलीस कोठडी देण्यात आली आहे.
ही कारवाई पोलिस अधीक्षक संदीप गिल, अप्पर पोलिस अधीक्षक गणेश बिरादार, उपविभागीय पोलिस अधिकारी सुदर्शन राठोड, स्था.गु.शा. निरीक्षक अविनाश शिळीमकर यांच्या सूचना व मार्गदर्शनाखाली बारामती तालुका पोलिस निरीक्षक चंद्रशेखर यादव
सहाय्यक फौजदार सुरेंद्र वाघ, पोलीस हवालदार भारत खारतोडे तसेच स्थानिक गुन्हे शाखेतील श्रेणी पोसई बी.डी. कारंडे आणि पो.हवा. स्वप्नील अहिवळे यांनी केली.
पुढील तपास पोसई अमोल कदम करत आहेत.

The post बारामतीत टॅक्स कन्सल्टंटला लुटणारे दोघे ताब्यात appeared first on Baramati Sanchar.

तातडीने पथक तयार करून कारवाई
या घटनेचे गांभीर्य लक्षात घेऊन पोलीस अधीक्षक डॉ. संदीपसिंह गिल्ल यांनी आरोपींना तातडीने अटक करण्याचे निर्देश दिले. त्यानुसार, स्थानिक गुन्हे शाखेचे पोलीस निरीक्षक अविनाश शिळीमकर आणि बारामती तालुका पोलीस ठाण्याचे पोलीस निरीक्षक चंद्रशेखर यादव यांच्या मार्गदर्शनाखाली एक विशेष तपास पथक तयार करण्यात आले.
अटक आरोपीचा मागील इतिहास
या घटनेतील मुख्य आरोपींपैकी एक असलेला जयेश माने याने गेल्या वर्षी बारामती शहरात साथीदारांसह एका खुनाच्या गुन्ह्यात सहभाग घेतला होता आणि दीड महिन्यापूर्वीच तो कारागृहातून सुटला होता, अशी माहिती पोलिसांनी दिली आहे. या दोन्ही गटांच्या आरोपींमध्ये जुलै २०२३ मध्येही वाद झाला होता. त्यावेळी जयेश माने याला मारहाण झाली होती आणि त्याच्या फिर्यादीवरून गणेश वाघमोडे, गौरव सूळ व इतरांवर खुनाचा प्रयत्न केल्याचा गुन्हा दाखल करण्यात आला होता.
गुप्त माहितीच्या आधारे अटक
तपासादरम्यान गुप्त बातमीदारामार्फत आरोपी अहिल्यानगर जिल्ह्यातील रुई छत्तीसी येथे असल्याची माहिती पोलिसांना मिळाली. त्यानुसार पोलिसांनी अत्यंत शिताफीने व नियोजनबद्ध कारवाई करून खुनाच्या प्रयत्नातील दोन आरोपींच्या मुसक्या आवळल्या.
कारवाई करणारे पथक
पोलीस अधीक्षक डॉ. संदीपसिंह गिल्ल, अपर पोलीस अधीक्षक गणेश बिरादार, उपविभागीय पोलीस अधिकारी सुर्दशन राठोड, स्थानिक गुन्हे शाखेचे पोलीस निरीक्षक अविनाश शिळीमकर यांच्या मार्गदर्शनाखाली पोलीस निरीक्षक चंद्रशेखर यादव, सहाय्यक पोलीस निरीक्षक विक्रम पवार, पोलीस उपनिरीक्षक अमोल कदम, ग्रेड पोलीस उपनिरीक्षक बाळासाहेब कारंडे, सहा. फौजदार एस. जे. वाघ, पो. हवा. खारतोडे, पो. हवा. स्वप्नील अहिवळे, स्था. गु. शाखा पुणे ग्रामीण पो. शि. होळंबे, शकील शेख आदींनी ही यशस्वी कामगिरी पार पाडली.
पुढील तपास सहाय्यक पोलीस निरीक्षक विक्रम पवार करत आहेत.

The post खुनाच्या प्रयत्नातील दोन आरोपींना अहिल्यानगर जिल्ह्यातून अटक; बारामती तालुक्यातील गुन्ह्यातील आरोपींच्या अहिल्यानगर जिल्ह्यात मुसक्या आवळल्या appeared first on Baramati Sanchar.

काल परवा बारामती ग्रामीण मधील महिला पोलीस कर्मचाऱ्याला लाच लुचपत प्रतिबंधक विभागाने वीस हजार रुपयाची लाच स्वीकारताना रंगेहात पकडले. ज्या गुन्ह्यात सुप्रीम कोर्टाच्या आदेशाप्रमाणे अटकच करता येत नाही अशा गुन्ह्यांमध्ये अटक करण्याची भीती दाखवून ती टाळण्याचे आमिष दाखवून वीस हजार रुपयाची लाच स्वीकारताना त्यांना अटक करण्यात आलं आहे. सदर महिला कर्मचारी दोन-चार महिन्यात पुन्हा अर्ध्या पगारावर कामावर घेतली जाईल. बिगर कमाईच्या ठिकाणी त्यांची बदली ही केली जाईल. दोन-चार वर्षांनी न्यायालयाचा निकाल ही लागेल सदर कर्मचाऱ्याला निर्दोष सोडले तर त्याच्या सेवाकाळातील उर्वरित पगार त्यांना सरकारला देणे लागते आणि तो त्यांना मिळणारच महाराष्ट्रात लाचलुचपत विभागामार्फत दाखल केलेल्या गुन्ह्यामध्ये शिक्षेचे प्रमाण अत्यल्प आहे. याची जाणीव सर्व खात्यातील विभागातील कर्मचाऱ्यांना निश्चित असते हे आपणास सांगण्याचे कारण असे आहे की पोलीस कर्मचाऱ्यांना पगार कमी आहे शासकीय सुविधा कमी आहेत खात्याअंतर्गत संरक्षण कमी आहे की खात्याची प्रतिष्ठा कमी आहे म्हणून की काय स्वतःला रक्षक म्हणवणारे पोलीस यंत्रणा सर्वसामान्य जनतेचे शोषण करते. या शोषणाचे कारण काय हे शोधत असताना न्यायालयाचा दोष आहे की लाचलुचपत कायदा कलम कमकुवत आहे की सरकारी वकील सदर गुन्ह्यांमध्ये फिर्यादीची बाजू मांडण्यास कमी पडतात का तक्रारदार तडजोड करतात की तपासी अधिकारी या गुन्ह्यांचा तपास योग्य रीतीने करत नाहीत. असे अनेक कारण संशोधनाअंती समोर आली आहेत. या सदराचे लिखाण करताना पोलिसांमध्ये असुरक्षिततेची भावना का निर्माण झाली आहे. तर कर्तव्या व्यतिरिक्त अतिरिक्त काम केल्यामुळे येथील समाज मनामध्ये पोलिसांबद्दल प्रेम जिव्हाळा आपलेपणा नष्ट झाले असून पोलिसांच्या कायद्या व्यतिरिक्त कामामुळे पोलिसांमध्ये स्वतःच्या दुष्कृत्यामुळे रात्रीची झोप व मानसिक स्वास्थ्य बिघडले आहे. प्रत्येक नागरिकाकडे गुन्हेगार म्हणून पाहण्याचा दृष्टिकोन निर्माण झालेला आहे. फिर्यादी मधील तक्रारी मधील सत्यता पडताळून पाहण्याची मानसिक कौशल्य संपुष्टात आली आहे. पोलीस स्वतःला असुरक्षित मानू लागले आहेत. कौटुंबिक फिर्यादीमध्ये स्वतः सुप्रीम कोर्टाने गुन्हे दाखल करताना व गुन्ह्याचा तपास करताना भारतीय कुटुंब व्यवस्था नाहीशी होणार नाही जनसामान्यांच्यात कुटुंब व्यवस्थेबद्दल अनास्था माजू नये असे निरीक्षण नोंदवले आहे. आज काल पोटगीच्या दाव्यामध्येही महिलेने पोटगी मागण्यापेक्षा स्वातंत्र काबाडकष्ट करून उपजीविका जगावी असे निरीक्षण नोंदवले आहे. एखाद्या गुन्ह्यात एखादा व्यक्ती नाहक फिर्यादीने नाव गुंतवले तर त्यास पोलीस यंत्रणा किती संरक्षण देते निर्दोष व्यक्तीच्या बाजूने उभा राहते हा प्रश्न पोलीस प्रशासनाने स्वतःच्या मनाला विचारला पाहिजे. निर्दोष व्यक्ती जेव्हा संकटात असतो तेव्हा त्याला मदत करण्यापेक्षा त्याचे शोषण करणे ही विचारधारा व मनोवृत्ती बदलल्याशिवाय मानसिक शांतता मिळणार नाही व मानसिक आरोग्य बिघडल्या पोलीस विभागाला कर्म सिद्धांताप्रमाणे कुकर्माची फळे याच जन्मात भोगावे लागतील. कोट्यावधी रुपये कुमार्गाने कमवून मानसिक शांतता विकत घेता येणार नाही याची जाणीव ज्या दिवशी पोलीस नावाच्या माणसाला होईल तेव्हा त्याची कार्यक्षमता ही वाढेल व कौटुंबिक स्वास्थ्य ही मिळेल. अन्यथा माणूस म्हणून जगताना विकत घेणाऱ्या गोष्टी साधन म्हणून मिळतील परंतु नैसर्गिक गोष्टींपासून जन्मभर अलिप्त राहावे लागेल. प्रत्येक मनुष्य प्राणी ही दुःख मुक्त जीवन जगण्यासाठी प्रयत्नांची पराकाष्टा करतो पण सुखाच्या कर्माने दुःखमुक्त जीवन जगून दुसऱ्याला दोष देत राहतो. ही असुरक्षितेची भावना भय भीती मनात निर्माण करते व मानसिक आरोग्य आणि मानसिक स्वास्थ्य हिरावून घेते..

क्रमशः

The post असुरक्षित पोलीस एक वेगळा दृष्टिकोन! पोलीस लाच का स्वीकारतात? appeared first on Baramati Sanchar.

चोराने चोरी करताना सहज चोरून घेऊन जाता येतील असे पुलाचे अवशेष चोरले नाहीत तर अतिशय कौशल्य पूर्वक अवघड चोरी केलेली आहे. त्यामुळे या चोरीमध्ये वेगळाच वास येत आहे. ठेकेदारांच्या अंतर्गत स्पर्धेतून असे कृत्य केल्याची संभावना असल्याची चर्चा मलिदा खाऊ ठेकेदारांमध्ये आहे. तर या पुलाच्या संरक्षणाची जबाबदारी बारामती नगर परिषदेची की सार्वजनिक बांधकाम विभागाची हा वेगळाच वाद दोन खात्यामध्ये चालू झाला आहे.

काही काळापूर्वी निष्कृष्ट दर्जाचे विद्युत खांबाचे नट बोल्ट चोरीला गेले की काम निष्कृष्ट दर्जाचे आहे यावरून बारामतीत बरीच चर्चा वृत्तपत्र, राजकारणी व सर्वसामान्यांनी केली. यातूनच हा प्रकार घडल्याचे बोलले जात आहे. सदरची फिर्याद सार्वजनिक बांधकाम विभागाचे ठेकेदार साहिल खत्री यांनी दिली असून यामध्ये सदरचे काम नगरपरिषदेला हस्तांतरित केले असल्याचे म्हणले आहे असे असेल तर बारामती नगर परिषदेने या विरोधात पोलिसात फिर्याद का दिली नाही? असा प्रश्न जनसामान्यांना पडलेला आहे तर सार्वजनिक बांधकाम विभागाचे ठेकेदार साहिल खत्री यांनी एवढ्या तत्परतेने फिर्याद देण्याचे तात्पर्य काय?

बारामती मध्ये भंगारचे व्यवसाय करणाऱ्यांमध्ये परप्रांतीयांचा मोठा भरणा असून या परप्रांतीय भंगारवाल्यांचे आंतरराजीय व्यापार संबंध आहेत. त्यामुळे त्यांच्याबद्दल स्थानिक भंगारवाल्यांचा मोठा रोष असून आर्थिक नफ्याच्या साठी या दोन भंगारवाल्यांमध्ये व्यावसायिक शीत युद्ध आहे. त्यांचाही हा परिणाम असू शकतो याबद्दल शंका निर्माण केले जात आहे. काम पूर्ण झाल्यानंतर सदर कामाची देखभाल दुरुस्तीची जबाबदारी ठेकेदाराकडे काही वर्षांसाठी असते. असे असताना ठेकेदार आपली जबाबदारी झटकून काम वर्ग केल्याचा आरडाओरडा का करीत आहे?

बारामतीच्या मध्यस्थानी जर ही जबरी फिल्मी स्टाईल चोरी होत असेल तर बारामतीतील सर्वसामान्य लोक किती सुरक्षित आहेत. तसेच बारामतीकर किती जागृत आहेत. हा ही प्रश्न निर्माण होत आहे. ही चोरी चोरांनी धाडसाने तर केलीच आहे, पण तंत्रशुद्ध शास्त्रीय दृष्ट्या नियोजन करून केली आहे. ही चोरी करण्यास कोणी प्रवृत्त तर केले नाही ना? की सुपारी देऊन ही कृत्रिम चोरी करण्यास भाग तर पाडले नाही ना? अशा असंख्य प्रश्नांचे ढिग बारामतीकरांच्या मनामध्ये निर्माण होत आहेत.

एक मात्र निश्चित झाले आहे की बारामतीतील व्यावसायिक स्पर्धेतून असे गुन्हे घडल्यास की घडवल्यास आश्चर्य वाटू नये. प्रशासनातील विविध खात्यांचे एकमेकांशी असलेले आर्थिक हितसंबंध भक्कम दिसत आहेत. पण जबाबदारी समन्वयाचा अभाव या घटनेतून स्पष्ट होत आहे.

बारामतीकरांनो सावधान!
पोलची बारी झाली, आता पुलाची बारी आली?

सदरचा पूल निकामी झाला असून पावसाचे दिवस चालू आहेत, वारा कावदानाने किंवा साध्या हादऱ्यानेही सदरचा पूल कधीही कोसळू शकतो? त्यामुळे या पुलाचा वापर बारामतीकरांनी तात्काळ बंद करावा! अपघात टाळा..
दुर्दैवाने बारामती नगरपरिषद बारामती, सार्वजनिक बांधकाम विभाग बारामती किंवा ठेकेदार साहिल खत्री यांनी धोक्याचे सूचनाफलक या परिसरात अजूनही लावले नाहीत.

The post चोरी घातपात की शह काट शह! बारामतीत पूर्वा कॉर्नर लगत निरा डावा कालव्यावरील पूल गायब अजब घटना? appeared first on Baramati Sanchar.